அமெரிக்க அதிபரான டொனால்டு டிரம்ப் உலகச் சுகாதார நிறுவனத்திற்கு அமெரிக்காவின் நிதியுதவியை நிறுத்த முடிவு செய்துள்ளார்.
டிரம்ப் உலகச் சுகாதார நிறுவனத்திற்கு அமெரிக்காவின் நிதியுதவிப் பங்கை நிறுத்த முடிவு செய்தால், இந்நிறுவனம் அமெரிக்காவின் வாக்களிப்பு உரிமையை நீக்கி அதன் சேவைகளை அமெரிக்கா பயன்படுத்தத் தடை விதிக்கும்.
உலகச் சுகாதார நிறுவனத்தின் சபையானது (அனைத்து உறுப்பு நாடுகளையும் கொண்ட சபை) இந்த அமைப்பின் கொள்கைகளைத் தீர்மானிக்கின்றது.
உலகச் சுகாதார நிறுவனம் பற்றி
உலகச் சுகாதார நிறுவனம் ஆனது 1948 ஆம் ஆண்டு ஏப்ரல் 07 அன்று செயல்பாட்டிற்கு வந்தது. இந்தத் தேதியானது தற்பொழுது ஒவ்வொரு ஆண்டும் உலகச் சுகாதார தினமாக அனுசரிக்கப் படுகின்றது.
இதன் தலைமையகம் சுவிட்சர்லாந்தில் உள்ள ஜெனீவாவில் அமைந்துள்ளது.
தற்பொழுது உலகச் சுகாதார நிறுவனத்திற்கு மிக அதிக அளவில் நிதியுதவியை அளிக்கும் நாடு அமெரிக்கா ஆகும்.
இதற்கு அடுத்து உலகச் சுகாதார நிறுவனத்திற்கு பில் & மெலிண்டா கேட்ஸ் அமைப்பால் அதிக அளவில் நிதியுதவி அளிக்கப் படுகின்றது.
இந்நிறுவனத்திற்கான மூன்றாவது மிகப்பெரிய நிதியுதவிப் பங்காளர் கேவி தடுப்பு மருந்துக் கூட்டமைப்பாகும்.
இந்தியா மொத்த நிதியில் 0.48% நிதியையும், சீனா 0.21% நிதியையும் இந்நிறுவனத்திற்கு அளிக்கின்றன.